Umgcinisihlalo weDynamos uVincent Chawonza usethumele isixwayiso esikhulu kumaqembu adlala kuPSL esithi iziqhwaga zeHarare zizaba yingqungquthela kumkhankaso ka2026 Castle Lager Premier Soccer League.
IDeMbare ike yaba kusizini embi kakhulu nyakenye, lapho isinde emlonyeni wempisi ngama langa okucina kumkhankaso owabahlupha akwamagama ama GlamourBoys.
UKelvin Kaindu, ongumqeqetshi obuya eZambia owathungamela iDeMbare kwezokuphepha nyakenye , uhugwe yiqembu elisanda kukhutshulelwa kuPSL elilezikhwama ezifundumeleyo iHardrock FC, kwathi ukaputeni u-Emmanuel Jalai wavalelisa eqenjini futhi usezojoyina iDurban City edlala kuBetway Premiership.
Phezu kwakho konke lokho, uChawonza umile kwelokuthi iDeMbare izethusa abantu abanengi kule sizini.
Ekhuluma esititshini seFanzone kumpela viki edlulileyo , lo somabhizimusi waseHarare uthe: “Umqeqeshi wethu upheka iqembu lakhe lesizini ka-2026, siza kwethula ngokusemthethweni abadlali kanye lethimba lezobuchwephetshi.”
“Kuyangijabulisa futhi ukuthi abaxhasi bethu abakhulu (iSakunda Holdings) bazibophezele futhi isikhwama sabo soxhaso sikhulu futhi singcono kulokhu.
“Ngijabule futhi ukuthi abanye abaxhasi bayeza, abafana ne-Bola Bet. Sisaxoxisana njalo nabaxhasi bekhithi- 90 plus futhi sixoxisana nabanye abaxhasi abahlanu.
“Ngokubona kwabadlali iDynamos izakuba ngcono futhi izomangaza abantu abanengi.
“Sihehe abadlali abasuka katshana le-kwele DRC, khumbula silungiselela imiqhudelwano emibili njengoba sibambe iqhaza kuCAF Confederation Cup. “Sifuna ukwenza kahle kuyo yomibili imiqhudelwano leyi,” kutsho uChawonza.
